ខ្ញុំបាទ/នាងខ្ញុំ សូមសន្យាចំពោះ៖ ឯកឧត្តមរដ្ឋមន្ត្រីក្រសួងទេសចរណ៍ ថាក្រោយពីទទួលបានសិទ្ធិស្លាកសញ្ញាបញ្ជាក់កម្រិតគុណភាពសេវាកម្មសម្រាប់និមិត្តសញ្ញាស្តង់ដា “Cambodia Muslim Friendly Standard Label” ខ្ញុំបាទ/នាងខ្ញុំ សូមប្ដេជ្ញាអនុវត្តតាមការណែនាំដូចខាងក្រោម៖

• ១- មកដាក់ពាក្យស្នើសុំនិមិត្តសញ្ញាបញ្ជាក់កម្រិតសេវាកម្មសម្រាប់ Cambodia Muslim Friendly ពីក្រសួងទេសចរណ៍ក្នុងរយៈពេល ៦០ថ្ងៃមុន (មុនពេលអស់សុពលភាព ចាប់ពីថ្ងៃចុះកិច្ចសន្យា នេះទៅ)។
• ២- ក្នុងករណីមានការក្លែងបន្លំ ឬផ្តល់ព័ត៌មានមិនពិត ពាក់ព័ន្ធនឹងពាក្យស្នើសុំបញ្ជាក់និមិត្តសញ្ញា និងវិញ្ញាបនបត្របញ្ជាក់កម្រិតគុណភាពសេវាកម្ម ខ្ញុំបាទ/នាងខ្ញុំនឹងទទួលខុសត្រូវទាំងស្រុងចំពោះមុខច្បាប់។
• ៣- មិនប្រើប្រាស់ស្លាកនិមិត្តសញ្ញាបញ្ជាក់កម្រិតសេវាកម្មនេះឱ្យហួសសុពលភាព ដូចមានកំណត់ឡើយ។
• ៤- ដាក់តាំងស្លាកនិមិត្តសញ្ញាបញ្ជាក់កម្រិតគុណភាពសេវាកម្មនៅច្រកចូលអាជីវកម្ម៖ នៅមាត់ទ្វារដើរចូលកន្លែងទទួលភ្ញៀវ ឬនៅកន្លែងផ្សេងទៀត ដែលភ្ញៀវទេសចរអាចមើលឃើញច្បាស់នៅពេលបានចូលក្នុងបរិវេណមូលដ្ឋានអាជីវកម្មទេសចរណ៍។
• ៥- មិនបិទបាំង មិនផ្សព្វផ្សាយ និងមិនប្រើប្រាស់តាមរូបភាពណាក៏ដោយនូវស្លាកនិមិត្តសញ្ញាបញ្ជាក់កម្រិតគុណភាពសេវាកម្មដែលមិនត្រឹមត្រូវ និងទោះបីក្នុងគោលបំណង ណាមួយក៏ដោយ។
• ៦- ជូនដំណឹងមកក្រសួងទេសចរណ៍រាល់ព័ត៌មានទាំងឡាយណា ដែលមានការកែប្រែ ឬកែសម្រួលពាក់ព័ន្ធនឹងលក្ខណវិនិច្ឆ័យនៃការវាយតម្លៃ។

ក្នុងករណីដែល ខ្ញុំបាទ/នាងខ្ញុំ មិនអនុវត្តតាមចំណុចណាមួយ ឬចំណុចមួយចំនួន ឬទាំងអស់ដែលមានក្នុងកិច្ចសន្យានេះ ខ្ញុំបាទ/នាងខ្ញុំនឹងគោរពរាល់ការពិន័យដែលសម្រេចដោយក្រសួងទេសចរណ៍ ដែលអាចជាការផ្អាក ដាក់ជាកំហិត ឬដកហូតវិញ្ញាបនបត្របញ្ជាក់កម្រិតគុណភាពសេវាកម្ម និងនិមិត្តសញ្ញា “Cambodia Muslim Friendly Standard Label” ។